AYAH

Untuak Ayah nan kini sadang tersenyum maliek anak-anaknyo nan lah gadang dari kejauhan sana. tulisan ko Ambo ukir dari hati agar ia tahu seperti apa rasa rindu ini padanya.

Ayah masih ingek ndak Yah, caro Ayah ma'ajaan Ambo mangayuah sapeda, baa Ambo nan acok tajatuah lalu kalukuran?

Masih takana ndak Yah? Ndak paduli saroman apo Ambo manangih ndak paduli saroman apo Ambo marengek jo bamanjo, perhatianmu membuek Ambo paham Yah arti tertatih menuju bahagia jo menjago diri katiko lah beranjak dewasa

Caramu babeda Yah...
Ndak saroman Ayah mereka , Ayah tuntun Ambo kareh untuak mengenal si lembut. Ayah bimbiang Ambo lantang manantang maut dan pantang untuak berlutut, Ayah tinggaan Ambo surang di nan kalam supayo manjo ndak lamo tapauik, Ayah tuntun Ambo kuaik sahinggo lamah pun manjadi takuik.

Halusmmu... Candamu... Tegasmu... Semua demi Ambo nan sampai kini masih ndak mambaleh guno.

Hangatmu... Suaramu... Tegarmu... Semua demi Ambo anakmu nan sampai kini masih bamanjo-manjo. 

Katiko sadiah menghampiriku Ambo dulu, Ayah pun perih manahan sambilu, bajalan di antaro hujan manahan dingin angin baduo diateh pundakmu, apopun Ayah lakukan demi senyum dan tawa Ambo, hanya demi maliek senyum dan tawa riang di bibia Ambo nan kecil dulu.

Tapi baa kok capek bana Ayah pai..?

Lamah pasandian Ambo dirantau urang yah, cando patuih disiang bolong mandanga kaba dari kampuang nan Ayah sadang sakik parah. Indak kayu janjang di kapiang Yah, tibo Ambo dirumah

Baguncang bumi Ambo pijak ..
Raso ka lapeh angok dibadan ..
Mamakiak Ambo ka langik katujuah mancaliak Ayah tabujua kaku ndak basuaro ditangah rumah. Padiaaah Yaah, ndak ado hal nan bisa Ambo lakuan salain do'a jo lantunan ayat suci Al-Qur'an nan Ambo baco satiok sudah sumbayang. Cuma itu

Apo ayah pernah tau? Manitiak aia mato Ambo yah maliek Amak malap paluah di kaniangnyo sadang basiyang diparak urang untuak mancari pitih pambali bareh, bareh bakutu Yah nan kami makan..

Padiah batin Ambo Yah maliek pandangan kosong katiko Amak manyusun foto Ayah di ateh meja, pacah jiwa Ambo Yah maliek Amak mando'aan Ayah jo linangan aia mato nan bajatuahan di ateh sajadah.

Sampaikan do'a Ambo ka Tuhan yah..
  bismillahirrahm anirrahim..
 ''YA...ALLAH... Berikan padaku saja kelelahan yang diderita ibunda, jadikan aku tameng ia yang tercinta. Angkat segala pedih perih di tubuhnya, ganti semua lelah dengan senyum ceria di wajahnya'' amin 

 Teruntuk Ayahanda, nantian kami di situ, di tampek nan Allah janjiaan untuak hamba2-Nyo nan sholeh jo sholeha.

Akan Ambo siapkan bekal untuak menemukanmu di SurgaNya. 

 Ayah..ana uhibbuka fillah